.::ایپک تصویرلرین دیلی سنسن::.

غزه ده قان آخیر...

بوگونلر غزه ده کئچنلر آدامین باغربنی قان ائلیر. فاجیعه اوز وئریر. خوجالی بیرده گؤز اؤنونده جانلانیر.

و آتیلا دئمیشکن: "تورپاغین زده‏لییینده قورآن گیزیلده‏ییر."

خوجالی فاجیعه سینه ایشله‏دیییم پوستری ،  بیت‏المقدس، خانکندی،خوجالی، غزه، شوشا، اریحا و بوتون یوردلاریندا ایشغالچی الیله قانا بویانان اینسانلارا ایتحاف.

دونیادا باریشین یارانماسینا اومیدله.

داغیلان ناموسو، تؤکولن گؤزو / تاپدانان عیصمتی کیم قایتاراجاق؟

آنادان، باجیدان، قیزدان، گلیندن / آلینان قیسمتی کیم قایتاراجاق؟

قیريلان قوللاری،دونان قیچلاری/ کسیلن باشلاری کیم قایتاراجاق؟

آنالار گؤزوندن بالا کؤکسونه/ تؤکولن یاشلاری کیم قایتاراجاق؟